معنى العنود
- تمّ توضيحُ معنى أسم العنود في قاموس معاني الأسماء الذي يجمعُ معاني ملايين الأسماء الموجودة في لغات العالم أجمع.
- فأسم عنود هو أسم يُطلق على الأنثى، ويعود أصله إلى الأصول العربية، و يقصد به العنيدة والعنيدة هو مصطلح يُطلق على السحابة كثيرة المطر، كما يحمل معنى أسم العنود صفة العند ومعنى صعبة المنال.
- والجدير بالذكر أن من المعاني الأخرى لهذا الأسم على الغزال التي تقودُ قطيعها ويُستخدمُ إسمُ العنود لوصف فتاة بالجمال والحُسن.
قصيدة العنود للشاعر ياسر التويجري
لا شـمـوخ وكبـريـاء وأنــف يـرقـى للـسـنـود
والقضيـه أكبـر أكبـر مـن شموخـي وإدِبــي.
للجهـالـه إيــه والله فــزت فــي كــل البـنـود
و الغباء لـكـل شـخـصً مايـقّـر إنــي غـبـي.
أستبّـد وكنـي اللـي ماخـلـق مثلـه أســود
لين داور هالزمـان و قـص خشمي وشنبـي.
إيـه راحــت وتركتني ويمكـن إنــه ماتـعـود
داسـت برجلـه لعانه وجـه قلـبـي وأهـبـي.
وكرّمتنـي فـوق نزفـي وشكرتني للجهود
وقالـت إنــت وبإحتـقـار ودق كـفّـه منكـبـي.
من تكون ومن أكون وطول عمرك لـو تسـود
ماربطـنـي مــع شتـاتـك إلا يمـكـن مذهـبـي.
حمّلتني فوق وسعي وأكبـر حلولـي صمـود
والصمـود لغيـر مـوقـف مـثـل هــذا مطلـبـي.
وطحت كني في مكاني شـي تافه مايكـود
حـتــى أرضً إحتـوتـنـي ماتـحـفّـت بـركـبـي.
كني اللي حاصلً لـه دعـوةً مـن قلـب عـود
وافقـت لـه إستجابـه وإسـتـوى لــه مايـبـي.
وش عليهـا يـوم راحـت وتركتني للـشـرود
وشبّـت النـار بيديـنـي وإستعـانـت بحطـبـي.
وش عليـهـا يــوم ســوّت إحتفالات الهـنـود
ورسمت رمز الضحيـه فـوق عينـي وهدبـي.
وشكّلـت قلـبـي طـبـول وقدّمتـهـا للحـشـود
وإستعانـت فـي حلاهـا وإستقالـت منصبي.
وإستلـذّت صـوت قلبـي لا تعـلاّ صــوت عــود
وإستـغـلّـت كـــل دربً يـــم رومـــا وتـعـبـي.
ليت وقتً قد مضى لي قبل حرمان الصدود
يغدي الـدرب ويجينـي أو أجـي لـه لـو حبـي.
يوم فوحي من غلاها ريح مسـك وريـح عـود
وإن سكت لغير قصدي قالـت آمـر وش تبـي.
تنقـهـر عبـلـه عليـهـا وســط طـيّـات العقــود
وأقهر العبسي بحبً دون سيـف ومشعبـي.
لامشتني مع دروبي وأصعب دروبي حسـود
كن قلبه قلب ذيبً وسط جـوفً فـي ضبـي.
ترسـم بـريـده يكـفـي مالـهـا حـكـم وحـدود
وأنـثـر الطـايـف عليـهـا بالقـصـيـد المـغـربـي.
كرّهتنـي فــي حيـاتـي وأنكرتني للجـحـود
يـوم فـازت فـي ضياعـي وإستملّـت ملعبـي.
إرجعي لي لو سمحتي إرجعي لـي يالعنـود
دام قلبي يوم رحتـي فـي ضلوعـي مختبـي.
مايفيـد الـحــال بـعــدك لانـيــاف ولا خـلـود
وش يسوّي كل مكسب دامك أنتي مكسبي.
إذبحيني لو بغيتي وإلغـي إسمـي بالوجـود
وأكتبيني تحـت عطفك دام بـيـدك مخلـبـي.
وكـان خفتـي مـن خيانـه قيّديـنـي بالقيود
وعقّدي لي تحـت نملـه وسـط غـارً مرعبـي.
ماعـلـيّ مــن المـلامـه والاهـانـه لــو تـــزود
والـرجـولــه مانـبـيـهـا لا نـويــتــي تـقــربــي.
وأجـد اللـي يحسبـون الحـب تفتـيـل الـزنـود
ظافـريـن وكــل واحــد بـنـت قلـبـه تنسـبـي.
الدعايـة دبلجتهـم مـن شـمـوخ و بـيـت جــود
فـي بحـورً لـو تبعـتـه كــان يـغـرق مركـبـي
ماعلينـا إرجعـي لـي لـو سمحـتـي يالعـنـود
دامك أنتي أكبـر أكبـر مـن شموخـي وإدِبـي
وصدّقيني لـو يحـول الوقـت دونـك بالسـدود
ما أنكر إنك يـوم رحتـي طحـت واثـق بركبـي.
